في واحد راح يستقبل ولد عمه في المطار , المهم وهم راجعيين
من المطار
يسأله: انت صارلك عشر سنين في أمريكا.. وش كنت تدرس؟
رد عليه صاحبه: كنت ادرس علم المنطق
قاله : وشو هو علم المنطق؟
رد عليه: صعبه اللي درسته بعشر سنوات اشرحه لك بساعة بس انا بعطيك
مثال على المنطق
قاله : اوكي
سأله ابو المنطق : انتو عندكم كلب في البيت, صح؟
رد عليه: ايه نعم عندنا
قاله: دام عندكم كلب اكيد انكم مسوين له بيت في الحوش
رد عليه: صح مسوين له بيت في الحوش وهو متعجب وش دراه
قاله : مادام انه عندكم حوش اكيد انكم عايشين في فيلا
رد عليه: صح إحنا عايشين في فيلا ,,, قام يفر براسه وش دراه
قاله: دام انكم عايشين في فلا اكيد ان ابوك غني
رد عليه: صح ابوي غني ,,, فك حلقه مو مصدق كيف عرف
قاله: دام انه ابوك غني اكيد ان امك تقعد في البيت ما يحتاي انها
تصير رقاصة علشان تجيب فلوس
رد عليه: صحيح امي قاعدة في البيت ,,,, كفخ راسه وقال ياسلام عليك
قاله : هذا هو المنطق , انك تبني شيء علي شيء. من وجود الكلب في
بيتكم استنتجنا ان امك مو رقاصة
ردعليه: اهااااااااا هذا هو المنطق؟ ااااااااااااااايوا
المهم ... راح عند ربعه في الليل وحب يكشخ عليهم ويتفلسف قالهم
ياشباب تعرفون وش هو المنطق ؟
رد واحد لا والله ما نعرفه
قال : انا اعلمكم.. ,,,مسوي روحه ابو الفهم
سأل صاحبه: انتوا عندكم كلب في البيت ؟
رد عليه صاحبه: لا ما عندنا
قاله : عيل امك تشتغل رقاصة
موضوع: امك تشتغل رقاصة 
الأربعاء أكتوبر 29, 2008 7:00 am
