عصبي فتح له منتدى << خخخخ

السلآم عليكم ورحمه الله وبركآتـه =)

شخبآركم ؟! عسآكم مرتآحين ؟!

المهوم لنوخر عن هالرسميآت وأبدأ بالجديآت

لقد أنـي توي من سآعـة لطشت لكم موضوع يحبـة قلبكم

وسويت له تعديلآت وإضآفآت ومسحت منهآ أشيآء يعنـي نقحتــه وهذبتــه ومن ثم نزلـه فيذا

- - -

الله يسلمكم هـذآ وآحد عصبي حيـل فتح له منتدى..؛ المهم ويوم جآء يبي يحط شروط لـ منتدآهـ نآضروا وش كتـب

لقد تغيرت شروط التسجيل في المنتدى وتم تغيير مسمى المنتدى لتواكب مرحلة مابعد الحرب الباردة اعرفوا الشروط زين يآ جعلنـي مآنب قآيل

<< هـذا أولهآ مؤدب يقآل

واللي ما يبي هالشروط جعل اصابعه اللي طقت على الكيبورد الكسر ولو ما عليه كلافه يطق راسه باقرب جدار

<< خربهآ

ايييه حنا ما نلعب .. واللي يبينا حياه الله بيننا فهمتوا

بما أن هذا الموقع موقعي بروحي لابارك الله فيكم وفي الساعة اللي فتحت لكم هالموقع

فاللي يبي يسجل معنا يوافق على الشروط من ورى خشمه

والشروط هي :

1- اللي يسب اي واحد من الاعضاء بنجيه وبنربط حواجبه في صدامات الهايلكوس وبنروح ونطعس فيه باقرب طعس

قايلكم حنا ما نلعب

<< يمـه منـه >.<"

2-اللي بيخربط بالدين ولا بالسياسة هذا عذابه عذاب

( ... بخليه يتخيل انه قرد ولا عمره ذاق موز
وابحجز له على اقرب رحله على طياره ترش الجراد
وابرقي فيه على ارتفاع 50000 الف قدم
وبرضخ به على خوص نخله علشآن مآيعودهآ ... ) << هـذآ العقآب كفو واللـــه

قايلكم حنا ما نلعب

<< طيب أنشبت بنآ درينـا << الحيـن أحس أن بتجينــي شوتـة

3- انتم اعضاء لكم تكتبون بس ولااحد فيكم يسوي لي فيه مراقب مانبي مراقبين فهمتوا ولا افهمكم

4- اللي بيسجل باسماء قبايل وعوايل ولا مخله بالادب هذا بنوديه لا اقرب شيخ ( ... وبنكويـه
وبعدين بناخذهـ لأقرب جليب وبنغطسه وبنطلعه ونغطسه ونطلعه الين مايقول اشهد ان الددسن سياره ... )

<< عقآب ثآنــي
قايلكم ما نلعب

5- قريتوا الشروط .. هاه عجبتكم فهمتوها .. طيب ما عندنا تسجيل هالايام ..

واللي يبي يسجل معنا يرسل لي ايميل على التلفون حقي اللي ماني ذاكره لكم

<< مآيمديكم أنتو من العصيبـة قآم يخربط

لان الدعوه عناد واللي براسه حب ما انطحن تراي ابطحنه له واذا فيه خير يقابلني وين ما يبي

[ ملآآآآحضــة ]

اللي بنكتشف انه رجال مشورب ويكتب باسماء بنات.. ولا بنات تكتب باسماء رجاليه

( ... هذولي بنخلي خششهم كلمات متقاطعه يصعب حلهآ والله ما يضرب بعصا يا سرع طيحتهم ... )

<< عقآب ثآلث يآكثر عقوبآتهـ :/

موافق ( )

غير موافق ( )

واللي فيه خير يكتب غير موافق << أمآك تقول مآعندنآ تسجيل ومسوي تليفون وإيميل :/

- - -

<< على فكـرهـ كتب الموضوع بهـآ اللون لأنــة للمقآم يقولون أن اللون الأحمر ينآسب العصبية

يآحبي لـ خرطـي اللي نصفـة يكفي

ملتووش لعيونكم

See you

هع هع هع بديــــــــــــــــــــــــــــــ ع

ياليته يفتح الموقع

خخخخخ وش هل الشروط

يسلمووو انجي