الســــلآم عليكم ..،،
هههههههههههههههههههههههههههههههههه
هههههههههههههههههههههه
اليوم بالمستشفى روحت أنا وأمي عندها مراجعه في قسم العظام حطيت أمي بالإستراحه وحطيت عندها الدواء والفوار والكبسولات وكاستين مويه تقــولون طفل تحط عنده أشياء والعاب وبساكيت عشان يسكت ولاياكل راسك كل شويه ..
والمستشفى قسم بالله أنــواع التبرج وأنا أحب صراحه هاللأشياء لا تفتهموني غلط هالحين مرح الخليج تقــول مجوده هذا اللي انت شريكه معه ولا تخافين على نفسك .. أنا أحب التبرج عشان أتعظ يالربع |13|
طيب تخيلوا بناتي يسون حركه الفراشه في عبيهم وأنا أحسبها من الشرع وأسكت عشان ينكتب على مقفاي حمار كبير ..
لا لا مهوب أنا .. عشان أحافظ على بناتي أدخل في هالسكه وأقز وأناظر ولا أغظ البصـــر عشان أحافظ على نسلي من الضياع
تجــولت في المستشفـــى وماخليت زقاق إلا مادخلته حتى جناح الحريم دخلته يمكن بنتي تتنوم وتدخل .. قسم بالله إنها إن نامت في المستشفى بقرطسها بقرطاس عشان لا أحد يشوفها |13|
وأنا ماشي أسمع صــوت حرمه قلت بس دكتور أذى مريضه وطارت فيــه وحطت السماعه في كرشته وأنواع التهديد والعكب على رقبته ..
وأشــوف ذاك المنظر حرمه ممده على سرير وبطنها منفـــوخه وزوجها يقـــولها قسم بالله لو تولدين في الممر إنك طالق ((يارب يجرب طلق الولاد عشان أوريه وين أطلقه)):2:
حزنت على موقفها مسكينه ومن حزني مسكت بطني أطبطب عليها أشوى ربي ماخلقنا ننفخ P1 ..
وصلـــوه لغرفه العمليات والدكتـــــــور رجال سعــودي ..
زوج الحرمه قال والله إن ما يولد زوجتي إلا حرمه مثلها ولا خلها تمــوت ومسكني وأنا جنبه قالي هذه مب علوم أخلي زوجتي تولد على يد سعــودي .. أنا تلقفت وقلت له طيب وش رائك في دكتور هندي ...
قال إيه إن رجال هندي عادي لأنهم مايطالعون وعندهم امانه أما ذا السعودي فأكبر فاجر داعر |30|
أنا قسم بالله مت ضحك وأناظر حال الدكتور السعودي وهو راخي راسه من الفضيحه ..
وموقف ثاني مشابه له مع الوالده .. مره طفشان وديت الوالده في مطعم بغديها على حسابها |13|
رحنا مطعم فخم هاي لاي على قولهم .. جاه الهندي معه لسته بأنواع الأصناف وأمي كانت كاشفه وجهها . والهندي دخل علينا لا إحم ولا دستور كنه أخوي ولا زوج أمي |13|
وأمي ماشاء الله عليها لا تغطي ولا شئ فاقه خشتها وتناظر فيه مدري الظاهر رقمها قبل لا ندخل
لا صدق لاحظتها ماقالت له شئ سكت وبمشيها هالمره يمكن ماشافته .. وجاه مره ثانيه إلا نفس الحركه لا غلطت ولا شئ ..
بعد الغداء جاه ولد صغيـــر عمره إثنعشر سنه غلط في الجلسه ودخل جلستنا .. إلا أمي تقــوم وتفز وتغطي وجهها وتلعن أبــوه وقالت لي قم لطشه هذا اللي مايستحي الخايس ..
من قهـــري روحت للهندي وأمسكه وأطيح فيه تلطيش وفسخت الزبيــريه وطنن على ظهره كان أمي تقــول إيه هين تتشطر على المسكين هذا والسعودي اللي دخل علينا خليته ولا أخذت حقي منه ..،،
من بعدها عرفت إن صوره الشاب السعودي مشــوهها ليـــــــــــه ..؟؟
ســؤال يطرح نفسه وإجابته عند بنات السعـــوديه ياليت يعطونا مما أعطاهم ربي من علم بهذا الخصوص
ليه تكشفون على الهنود ولا تكشفون علينا ((مهوب هين يبي يكشف على بنات العالم))|13|
ولا في التكاسي يحبون بركبون مع بنقاله يوم أجي أتكس بالموتر محد يعطيني وجهه ((حزين وطفران))P1
ليـــــــــــــــــــــــــــــــــــــــــه ..؟؟
هذه الفكره الشينه للشباب السعودي ..
م-ن من واحد متعذب